Домой Дүйнөдө Россия Беларустун карызын жеңилдетмей болду

Россия Беларустун карызын жеңилдетмей болду

119

Александр Лукашенко Россияга 1 миллиард доллар карызын бербей, мунун аркасы менен кыйынчылыкта турган улуттук валютасын колдоорун айтты.

“Россиянын президенти менен бул маселени талкууладык. Тагыраагы, биз сөз болуп жаткан 1 миллиард долларды өзүбүзгө калтырабыз. Бул биздин улуттук валютаны колдоо үчүн жакшы жардам болуп берет. Эми маселе өкмөт башчылардын деңгээлинде талкууланат”, — деди Лукашенко.

Президент беларусь рублинин наркы ого бетер түшүп кетишине жол бербей турганын кошумчалады. Анткени өлкөдөгү нааразычылык акциясынан кийин улуттук валюта бир топ алсырап кеткен. Тактап айтканда, 10-августтан бери доллардын курсу  8,17 пайызга, евронуку 7,99 пайызга өскөн.

Булак: sputnik.kg