Бүгүн, 14-апрелде Жогорку Кеңешинин Эл аралык иштер, коргоо жана коопсуздук боюнча комитети менен Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин биргелешкен отуруму өттү. Анда депутат Чыныбай Турсунбеков буудай, ун жана кесме азыктарына коюлган бааны айтып нааразы болду.
“Өкмөт өзү ун сатуучуларга анын баасын 30 сомдон жогору баага сатпашы керек деген чек коюп жатат. Монополияга каршы жөнгө салуу агенттиги бир дагы өндүрүшчү менен сүйлөшпөй туруп, бааларды өзүңөр каалагандай коюп жатасыңар. Мындай бааларды кайдан алып жатасыңар”,-деди депутат.
Булак: govori.tv