Домой Коом Балбак Түлөбаев: Эми өз убалыңар өзүңөргө. Дагы күчөп кетсе шаарды жабабыз”

Балбак Түлөбаев: Эми өз убалыңар өзүңөргө. Дагы күчөп кетсе шаарды жабабыз”

115
Бишкекте санитардык талаптар аткарылбаса шаар кайра жабыларын белгиледи. Бул тууралуу мэриянын аппарат башчысы Балбак Түлөбаев соцтармактагы баракчасына жазды.
Ал акыркы эки күндө ордо каалада 98 адам коронавирус жуктурганын белгилейт.
“Акыркы эки күндө 98 адам ооруду. Айтсак жаман көрөсүңөр. Ишенбейсиңер. Көңүл кош карайсыңар. Урушсаңар да , чапсаңар, тепсеңер да эми таарынбагыла.
Эл көп жүргөн базар, соода түйүндөр, ресторан жана кафелер, такси жана коомдук транспорт ээлерине акыркы каттуу эскертүү.
Санитардык нормаларды сактабасаңар жазасын аласыңар. Маска кийип аралыкты сактагыла. Колуңарды жууп тургула.
Укпасаңар ишенбесеңер эми өз убалыңар өзүңөргө. Дагы күчөп кетсе шаарды жабабыз.
Бишкекте вирус жуктургандардын саы 845ке жетти.