Чүй облусуна караштуу Аламүдүн районунун акиминин орун басары Айбек Кулубаев мезгилсиз дүйнөдөн кайтты. Маалыматты райондук администрациядан тастыкташты. Маалыматка ылайык, Кулубаевге пневмония диагнозу коюлган. Ал бүгүн, 3-июлда түштөн кийин көз жумган. «Оор абалда ооруканага жаткырылган болчу, астма оорусу да бар эле, биз анын жакындарына көңүл айтабыз», — дешти акимияттан. Айбек Кулубаев 46 жашта болчу.
