Кочкор райондук билим берүү бөлүмүнүн башчысы болуп Бактыгулов Турсунбек Асанбекович дайындалганы маалым болду. Кочкор райондук билим берүү бөлүмүнүн мурдагы башчысы Өзүбеков Уланбек Насипбекович ушул жылдын 21-майында дүйнөдөн кайткан. Ошол убактан бери бул кызмат бош турган.
Бактугуловдун эмгек жолу:
-1978-жылы 7-октябрда Кочкор районундагы Кара-Мойнок айылында туулган. 1985-1995-жылдары Кочкор районундагы Ишеналы Абылгазы уулу атындагы орто мектебинде билим алган. 1995-1999-жылдары Ж.Баласагын атындагы Кыргыз улуттук университетинин информатика жана кибернетика факультетинде билим алып, математика жана информатика мугалими кесибине ээ болгон. 2000-жылдын 1-сентябрынан 2003-жылдын 15-августуна чейин Кочкор районундагы Сагындык Өмүрбаев атындагы орто мектебинде математик жана информатикамугалим. 2003-2006-жылдары ушул эле мектепте директордун окуу-тарбия иштери боюнча орун басары, 2006-2010-жылдары Кочкор районундагы Арзымкан Бостонов атындагы орто мектебинде директор, 2010-жылдын май айынан ушул күнгө чейин Сагындык Өмүрбаев атындагы орто мектептин директору болуп иштеген.
Үй-бүлөлүү, 5 баланын атасы.
