Домой Саясат Президент Садыр Жапаровдун кийинки иш-сапары Өзбекстанга болот

Президент Садыр Жапаровдун кийинки иш-сапары Өзбекстанга болот

72

Президент Садыр Жапаров Өзбекстанга 11-12-мартта барат. Бул тууралуу Тышкы иштер министри Руслан Казакбаев кабарлады.

Анын айтымында, Садыр Жапаровду бир топ өлкөлөрдүн лидерлери чакырган. Ал Өзбекстанга болгон сапарынан кийин Тажикстан, Түркмөнстан жана Кытайга барары күтүлүүдө.

Казакбаев президенттин Ташкентке эмне максатта баранын жана анда эмне маселелер караларын ачыктабады.

Буга чейин, Садыр Жапаров 2-3-мартта Казакстанга мамлекеттик сапар менен барып, Бир катар сүйлөшүүлөрдү жүргүзүп келди.