Домой Коом Өкмөттүн Ысык-Көлдөгү өкүлү Э.Жантаев жол кырсыкка кабылды (сүрөт)

Өкмөттүн Ысык-Көлдөгү өкүлү Э.Жантаев жол кырсыкка кабылды (сүрөт)

137

Ысык-Көлдүн башчысы жол кырсыкка кабылды. Маалыматты Ысык-Көл ОИИБдин басма сөз кызматы тастыктады.

Бүгүн, 23-ноябрда саат 08:50 чамасында Балыкчы шаардык ички иштер бөлүмүнө шаардык аймактык ооруканадан жол кырсыктын кесепетинен өкмөттүн Ысык-Көл облусундагы ыйгарым укуктуу өкүлү Элчибек Жантаев түшкөндүгү тууралуу билдирүү келген.

Шаардык милициянын тергөө-ыкчам тобу бул билдирүү боюнча жеринде буларды аныкташкан: «Тойота Lеnd-Cruzer Prado» үлгүсүндөгү кызматтык унаанын айдоочусу, Ак-Суу районунун 24 жаштагы тургуну К.Б. Бишкек—Торугарт унаа жолунун 156-чакырымында рулду башкара албай, унаа оодарылып кеткен. Кырсыктын кесепетинен өкмөттүн Ысык-Көл облусундагы ыйгарым укуктуу өкүлү Элчибек Жантаев Балыкчы шаардык аймактык ооруканасына жаткырылган.

Бул факт Балыкчы шаардык ички иштер бөлүмү тарабынан электрондук маалымат журналына катталып, соттук-техникалык экспертиза дайындалды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
булак: turmush.kg