Бүгүн 10-августта Бишкек шаарынын Ленин райондук сотунда «Кызматтык абалынан кыянаттык менен пайдалануу» беренеси боюнча айыпталып жаткан экс-баш прокурор, учурдагы «атамекенчи» депутат Аида Салянованын соту болушу керек эле. Бирок, сот отурумунун башында эле Аида айымдын адвокаты Чынара Жакупбекова жок болуп чыкты.
Салянованын адамдарынын айтымында ал Биринчи Май райондук сотунда өтүп аткан Текебаевдин сотуна катышып аткан экен. Себеби, Чынара Жакупбекова бир эле учурда Текебаевге да Саляновага да адвокат болуп жүрөт. Ошондон улам Салянова сотко нааразы болуп, эмнеге бир убакытка сотту белгилейсиңер дегендей коркуткусу келди. Бирок, баарынан кызыгы Текебаевдин сотуна да Чынара Жакупбекова катышпаптыр. Ошондо «атамекенчилер» жөн гана клоун болуп атышабы?
