Домой Коом Атамбаевдин тарапташтары Жогорку соттун төрайымы менен жолугушууну талап кылышууда (видео)

Атамбаевдин тарапташтары Жогорку соттун төрайымы менен жолугушууну талап кылышууда (видео)

78

Бүгүн, 16-ноябрда Бишкекте экс-президент Алмазбек Атамбаевдин тарапташтарынын митинги өтүп жатат.

Митингчилер Жогорку соттун имаратына киришти. Алар соттун төрайымы Гүлбара Калиеваны алардын алдына чыгуусун талап кылышууда.

Ошондой эле митингге келген 50дөй жаран плакаттарды көтөрүп алышкан. Ал плакаттарда “Атамбаевге боштондук” – деп жазылган. Ошондой эле “Боштондук” – деп дагы кыйкырып жатышат.

Депутат Ирина Карамушкинанын айтымында, соттун өкүлдөрү митингчилерге чыгып, алар кырдаалды түшүндүрүп бериши керек.

Эскерте кетсек, бүгүн Жогорку сот мыйзамдагы ууру аталган Азиз Батукаевдин мыйзамсыз бошотулушу боюнча сот ишин өткөрүшү керек болчу. Бирок сот аны 30-ноябрга жылдырды.

Адвокат Замир Жоошев Атамбаевдин соту үч судьянын экөөсүнүн ооруп калгандыгына байланыштуу кийинкиге жылдырылганын билдирди.