Домой Аналитика “Унаа” МККнын аймактык бөлүгүнүн башчысы мамлекетке келтирилген зыяндын ордун толтуруп, үй камагына...

“Унаа” МККнын аймактык бөлүгүнүн башчысы мамлекетке келтирилген зыяндын ордун толтуруп, үй камагына чыгарылды

7

Мурда маалымдалгандай, УКМКнын кызматкерлери 2021-жылдын 9-апрелинде, Кыргыз Республикасынын Кылмыш-жаза кодексинин 320-беренесинин 2-бөлүгү (“Кызматтык абалынан кыянаттык менен пайдалануу”) боюнча сотко чейинки өндүрүштүн катталган материалдарынын алкагында, аныкталган жана басылып алынган Абхазиядан айдалган жана бажы декларациясынан өтпөгөн кымбат баалуу автоунааларды мыйзамсыз каттоонун коррупциялык схемасын токтотту.

Сотко чейинки процесстин жүрүшүндө, болжолдуу Россия Федерациясынын транзиттик каттоо документтеринин негизинде, Кыргыз Республикасынын техникалык паспорттору жана мамлекеттик номурлары берилген эки Lexus GX автоунаасы катталып, натыйжада  бажы алымдарын төлөөдөн 3 миллион сомдон ашык чыгым түрүндө мамлекетке зыян келтирилгендиги аныкталды.

УКМК тарабынан жүргүзүлгөн иштердин жыйынтыгы боюнча, кымбат баалуу автоунааларды регионалдык сектордун башчысы тарабынан мыйзамсыз катталган факты боюнча,  Юстиция министрлигинин алдындагы Жалал-Абад облусунун Ноокен райондук мамлекеттик каттоо кызматынын “Унаа” “OMA” тарабынан мамлекеттин пайдасына 3 миллион сомдон ашык суммадагы зыяндын орду толтурулган.

“OMA” келтирилген зыяндын ордун толтурууга байланыштуу, баш коргоо чарасы үй камагына өзгөртүлдү.