Домой Саясат Султанбеков: “Менин билишимче, Атамбаев Садыр Жапаров менен тыгыз байланышта. Алар түрмөдө отурган...

Султанбеков: “Менин билишимче, Атамбаев Садыр Жапаров менен тыгыз байланышта. Алар түрмөдө отурган кезде деле байланышып турчу”

204

Жаш саясатчы, “Социал-демократтар” партиясынын мүчөсү Темирлан Султанбеков 7-декабрда “Саясий коктейль” программасында конституциялык реформаны колдой тургандыгын билдирди.

“Конституциялык реформаны мен жеке колдойм. Парламенттик десе парламенттик системага өтөлү, президенттик десе президенттик системага өтөлү. Мага баары бир.  Бирок мен парламенттикти көбүрөөк колдойм. Бирок, Кыргызстанда классикалык формада парламенттик же президенттик башкаруу болгон эмес. Бизде башаламандык эле болгон”, – деди Темирлан Султанбеков.

Программанын алып баруучусу Султанбековдон “Жапаровго мурдагы президенттин электораты керек болуп жатабы, алдыдагы шайлоодо Жапаров менен Атамбаев биригеби? деген суроо узатты.

“Мен аны билбейм. Алмазбек Шаршенович кандай ойлойт, кандай чечим кабыл аларын билбейм. Бирок баары мүмкүн. Менин билишимче, Алмазбек Атамбаев Садыр Жапаров менен башка Жапаровдор менен тыгыз байланышта. Алар Атамбаев экс-президент болгондон кийин бир эмес, бир нече жолу сүйлөшкөн. Менин маалыматым боюнча, Садыр Жапаров Атамбаев менен түрмөдө отурганда кезде деле байланышып турчу. Демек, мындай болушу мүмкүн», – деп жооп берди ал.

Белгилей кетсек, буга чейин Султанбеков Садыр Жапаровдун өкмөтүндө иштөөдөн баш тарткан. 

булак: kyrgyztoday.org