Домой Коом Өзгөндө беш гектар арпа күйүп кетти

Өзгөндө беш гектар арпа күйүп кетти

22

24-августа Ош облусунун Өзгөн районундагы Мырза-Арык айылында талаадан өрт чыгып, 10 гектардай жер күйүп кетти. Анын беш гектарында арпа өсүп турган. Бул тууралуу Өзгөчө кырдаалдар министрлиги (ӨКМ) кабарлады. Учурда өрттүн себеби такталууда.

ӨКМдин маалыматына ылайык, 2020-жылы жети ай ичинде республика боюнча 1236 өрт катталган. Бул былтыркыдан 39,7% аз. Өрттөн 10 адам каза болуп, 16 киши жабыркаган. Куткаруучулар 24 кишинин өмүрүн сактап калган. Өрт көпчүлүк учурда электр жабдууларын колдонуудагы этиятсыздыктан келип чыгат.

Булак: www.azattyk.org