“Ак Бата” деп алкынып чыккан Нариман Түлеев Бишкек шаардык кеңешине катуу киришип, утуп келүүнү көксөп жатат. Уюштургуч жөндөмү, каражаты жетиштүү экени ырас. Бирок, саясый жолу, мындан аркы позициясы кандай болот? Куугунтук жеп, түрмөгө отуруп, акылына келдиби, же эски жоруктарын кайталайбы?.. Эске салсак, Курманбек Бакиевдин кандуу режиминде Нариман Түлеев Ала-Тоо аянтына Коңурбай, Нескара, Шыпсайдарлардын айкелдерин тургузуп, кыргыз элинин каарына калган. Ошондон тарта мэр катары ооматы кетип, оңбой калганын кантебиз? Бирок, өкчөсөң эле айкүр тургандай образ жаратып, чоң саясатка кайрадан аттанды. Түлеевдин дагы бир айыбы – мамлекеттик кызматкер катары миллионерге айланганы жашыруун эмес. Темир жолду жетектеп турганда байыганын кантип танат? Жигиттиги бардыр, бирок “жегичтигин” кантебиз?..
булак: «Азия Ньюс» гезити
