Домой Маданият Кыргыз эл артисти Калыйбек Тагаев дүйнө салды

Кыргыз эл артисти Калыйбек Тагаев дүйнө салды

157

Кыргыз эл артисти Калыйбек Тагаев 80 жаш курагында көз жумду. Тагаев көптөн бери ооруп жүргөн. Жакында эле ооруканадан чыгарылып, үйүндө төшөктө жаткан. Калыйбек Тагаев 1940-жылы 14-апрелде Ат-Башы районунун Бирлик айылында жарык дүйнөгө келген. 1961-жылы Каракол педагогикалык институтунун музыка бөлүмүн аяктагандан кийин Ат-Башыдагы Ленин атындагы №1-мектепте мугалим, Нарын музыкалык драма театрында артист, бөлүм башчы болуп иштеп, 1970–1974-жылдары Бүбүсара Бейшеналиева атындагы Кыргыз мамлекеттик искусство институтунун теория жана композиция бөлүмүндө окуган. 1974-жылдан Республикалык эл чыгармачылык борборунда жетектөөчү адис болуп иштеген. Ал классикага айланган 120дан ашык обондордун автору. Анын 60ка жакын обону «Кыргыз радиосунун» Алтын казынасына жазылып алынган. 1992-жылы Кыргыз Республикасынын Эмгек сиңирген артисти, 1997-жылы Кыргыз Республикасынын эл артисти наамдары берилген.

 

Булак: Багыт гезити