Домой Азил Күлкү – жандын азыгы #1

Күлкү – жандын азыгы #1

15

Базарбайдын мышыгы

Базарбай мышыгын сууга жууп жатса Дүйшөн көрүп: Ай Баке, өлүп калат сууга жуусаң, десе Базарбай: Башымды оорутпай жөнө, өзүм билем -деп жооп берет.

Кайра Дүйшөн өтүп баратып Базарбайдын ыйлап атканын көрөт.
– Баке эмне болду? – десе,
– Мышыгым өлүп калды – дейт Базарбай.
– Айтпадым беле сууга жууба деп.
– Жууганга эмес, сыгып койсом өлүп калды…

 

Хакер

Хакер

– Банкоматты бузуп акча алуу үчүн хакер кайсы иштерди аткарат?
– Колуна балта менен ноутбукту алып банкоматка келет, банкоматты балта менен бузуп акчаларды алат…
– Балта менен урса… Ноутбуктун эмне кереги бар?
– Ноутбогу жок хакер, хакер болмок беле?

 

Туулган күн

Мугалим окуучусунан сурап жатат:
– Сенин туулган күнүң качан?
– Отуз биринчи август.
– Кайсыл жылы?
– Ар жылы.

 

Сынак учурунда.

Мугалим: Фамилияңыз?
Студент (күлүп): Арстанбек уулу.
Мугалим: Эмнеге күлүп жатасыз?
Студент: Биринчи суроого туура жооп бердим да…

 

Миллиардердин досу

– Ким экениңди айтсаң, мен сага досуң ким экенин айтам.
– Мен миллиардермин.
– Сенин досуң – менмин..

 

Кулактандыруу

Урматтуу студенттер!
Силерден сураныч, университетке айдап келген машинеңерди бир аз бири-бирине жакын койгула, мугалимдердин велосипеддери батпай жатат экен…

Деканат