Кеңешке «Чоң Казаттын» лидери Максат Мамытканов жана «Реформанын» мүчөсү Урмат Джаныбаев кирет
Кыргызстанда Элдик Координациялык Кеңеш түзүлгөн. Бул тууралуу Чоң Казат партиясынын лидери Максат Мамытканов өкмөт үйүндө сүйлөп жатып журналисттерге билдирди.
Анын айтымында, жаңы кеңештин мүчөлөрү Жогорку Кеңештин «Достук» мейманканасында өткөн чукул жыйынынын чечимине макул эмес.
Жаңы Координациялык кеңештин курамына «Мекен Ынтымагы» партиясынын лидери Темирбек Асанбеков, «Ордо» партиясынын төрагасы Мирбек Мияров, Реформанын мүчөсү Урмат Джаныбаев жана «Ыйман Нуру» партиясынын өкүлү Чыңгыз Макешов кирди.
«Биз буга чейин Садыр Жапаров жана Камчыбек Ташиев менен жолугушканбыз. Ошондой эле, Элдик координациялык кеңешти түзүү боюнча билдирүүгө кол коюшту. Бирок андан кийин Садыр Жапаров Алтынчы чакырылыштагы Жогорку Кеңештин депутаттарына анын талапкерлигин жактыруу үчүн барган. Ага алгач биз менен кеңешүү керектигин айттык. Садыр Жапаровдун премьер-министр экендигин тааныбайбыз », — деди Мамытканов.
Жаңы Координациялык кеңештин мүчөлөрү Сооронбай Жээнбековдон эл тарапка өтүүсүн өтүнүшөт.
булак: vesti.kg
