Домой Криминал Видео-Рыспек Акматбаев тирүү болгондо быйыл 60 жашка толмок…

Видео-Рыспек Акматбаев тирүү болгондо быйыл 60 жашка толмок…

386

Криминал чөйрөсүнүн «атасы» аталган Рысбек Акматбаев тирүү болгондо быйыл туура 60 жашка толмок. Ал 1960-жылы 6-июлда Чолпон-Ата шаарында туулган. Акматбаевди 46 жашында, тагыраак айткнада   2006-жылы 10-майда Бишкектин четиндеги Көк — Жар айлындагы мечиттен чыгып келатканда атып кетишкен. Анын өлүмү тууралуу ушул кезге чейин  ар кандай божомолдор айтылып келет.

Ошол кандуу окуяга күбө болуп, жабыр тарткан  Аскар мырза учурунда  ЖМКларга окуянын  чоо-жайы  буларды айтып берген:

 -Мечиттин ичинде намаз окуп атканбыз. Анан бир өспүрүм бала келип жыгылып түштү. Эки жактан аткылап кирди. Эки-үч мүнөт аткылашты. Баарыбыз жерге жата калдык. Атышуу бүтүп тынчып калганда баланы көтөрүп эшикке алып чыктык. Анан ооруканага жеткирип келдик. Ал эми тигил жерде бирөө жатыптыр. Алыстан көрдүк . Бетин бир нерсе менен жаап коюшуптур. 

Рыспек Акматбаевдин атасы Абдымалик Акматбаевдин 2019-жылы берген маеги:    https://www.youtube.com/watch?v=2gLd6kZGa_s

Мечиттин каалгасын 6-7 ок көзөп өтүптүр. Октон жаракат алган Муса уулу Манас аттуу өспүрүм баланы №3-балдар ооруканасына жеткиришиптир. Оорукананын врачы Айгүл Ажыбаралиеванын айтымында октун сыныгы Мусанын жоон санына кирип кетиптир. Догдурлар ага медициналык тез жардам көрсөтүп, учурда баланын абалы жакшы экен. Денесин ок чийип кеткен экинчи жигитти №4-ооруканага жеткиришиптир. Анын абалы да дурус.
 Рыспек Акматбаевдин атасы Абдымалик Акматбаев атасы баласынын өлгөнүнө ишебегенин, ал тирүү экенин эмдигиче айтып келет. Ал эми 2006-жылдагы ал кандуу окуяда милициянын алгач  башкача маалымат берген. ал кездеги Аламүдүн райондук милициянын башчысы Өмүр Ногоев: » Милиция кызматерлери келгенде атышуу болгон жерде шектүү адамдар жок болуп чыккан. Мечитте намаз окугандар эле калыптыр. Атылган октон набыт болгон Рысбек Акматбаев экендиги тууралуу так маалымат жок» -деп айткан  Өмүр Ногоев.

Маркум Акматбаевдин адвокаты Рысбек Нагаевден сураганыбызда, ал Рысбек Акматбаевдин киши колдуу болгондугун тастыктаган болчу.

Рыспек Акматбаевдин атасынын баласы тууралуу берген маеги: