Домой Коом Маданиятка эмгек сиңирген ишмер Зарыл Мамбеталиева каза болду

Маданиятка эмгек сиңирген ишмер Зарыл Мамбеталиева каза болду

68

Маданиятка эмгек сиңирген ишмер, диктор Зарыл Мамбеталиева 82 жашында каза болду. Бул тууралуу Маданият, маалымат жана туризм министрлиги билдирди.

З.Мамбеталиева 1938-жылы Нарындагы Кочкор районунун Теңдик айылында туулган. 1952-1957-жылдары Жалал-Абад облусундагы педагогикалык институтта билим алган. Ал эми 1961-жылдан баштап 1997-жылга чейин «Кыргыз радиосунда» диктор болуп иштеген.

З.Мамбеталиева «Кыргызстандын маданиятына эмгек сиңирген ишмер» наамы менен сыйланган.