Домой Саясат Жогорку сот Таалайбек Өмүралиевди актады

Жогорку сот Таалайбек Өмүралиевди актады

200

Коргоо министри Таалайбек Өмүралиевге байланыштуу иш бүгүн, 26-апрелде Жогорку сотто каралды. Анда Бишкектин Биринчи май райондук сотунун министрди актаган өкүмүн күчүндө калтырылды.

Өмүралиев коргоо министри (2011-2014) болуп иштеп турган учурда ал бюджетке ири суммада зыян келтирилген деп күнөөлөнгөн. Ага “кызмат абалынан кыянат пайдалануу”, “ишенип берилген мүлктү өзүнө ыйгарып алуу” жана “кызматтык жасалмалуулук” беренелери боюнча кылмыш иши козголгон.

Сот Өмүралиевди күнөөлүү деп таап, 5 миллион сом айып пул салып, генерал-майор наамынан ажыраткан.

Өмүралиев 2020-жылы 9-октябрда ошол кездеги президент Сооронбай Жээнбековдун жарлыгы генералдык штабдын башчысы болуп дайындалган.

Кызматка келгенден кийин ага байланышкан сот иштери 13-октябрда Биринчи май райондук сотто каралып, акталган.

Бул иш быйыл, 10-мартта Бишкек шаардык сотунда апелляциялык тартипте каралып, райондук соттун өкүмү жокко чыгарылган.