Былтыр Жаңы Зеландиядагы Крайсчөрч шаарында эки мечитке кол салып, 51 мусулманды өлтүргөн адамдын соту башталды.
24-августта өткөн сот жараянда прокурорлор Брентон Таррант үчүнчү мечитке да кол салууну жана мечиттердин баарын өрттөп жиберүүнү көздөгөнүн айтышты.
Башкы прокурор Барнаби Хауз билдиргендей, 29 жаштагы Таррант чабуул планын бир жыл мурда түзгөн, анын максаты «көбүрөөк адамды өлтүрүү» болгон.
Булак: azattyk.kg
