“Эң таң калыштуусу, тоолордо белгисиз адамдар мага жана менин досторума кол салышкандыгы болду. Мындай болушу мүмкүн деп эч качан ойлогон эмесмин. Менин үй-бүлөм жана досторум бул жөнүндө билишпейт. Алар Кыргызстанды коопсуз жана кооз өлкө деп ойлошот. Албетте кооз өлкө – мен буга 100 пайыз кошулам. Бирок коопсузбу – мен буга шектене баштадым. Мен Кыргызстанда калгым келди, бирок кол салгандан кийин, корком. Пакистанга кайтам. Бул окуядан мурун, мен Кыргызстанда бирөө келип, сени себепсиз сабап баштайт деп ойлогон эмесмин. Чынын айтканда, мен коркуп баштадым”, – деди ал.
Эскерте кетсек, студент Аббас Али Шахка кол салган шектүү үч киши кармалган. “Бейбаштык” беренеси боюнча сотко чейинки тергөө иштери жүрүп жатат. Бул факты боюнча тергөө Ички иштер министрлигинин жетекчилиги тарабынан жеке көзөмөлгө алынган.
