Домой Коом Москвада эки кыргыз жараны  коронавирустан көз жумду

Москвада эки кыргыз жараны  коронавирустан көз жумду

26

Москвада эки кыргыз жараны  коронавирус оорусунан каза тапты. Бул тууралуу Кыргызстандын Россиядагы элчилигинен билдиришти.

Элчилик Москва өкмөтүнүн Саламаттыкты сактоо департаментине шилтеме жасап, Россияда Кыргызстандын жарандарынын арасында 100дөн ашык COVID-19 инфекциясы катталганын билдирди. Элчилик аларга изоляцияда болушу үчүн батирлерди ижарага алып берген.

Белгилей кетсек, Москвада коронавирус инфекциясын жуктуруп алгандардын оорусу жеңил болсо, алар ооруканага жаткырылбайт. Дары-дармек жазылып, үйдөн дарыланышат. Дарыгерлер телефон аркылуу чалып, абалын текшерип турушат.

Белгилүү болгондой, Москвада 18-майда коронавирусту жуктургандардын саны 146 миңден ашты. 28 миңден ашыгы айыгып, 1580 адам каза тапты.