Учурда Улуттук банктын карамагында 46,7 тонна алтын бар. Бул тууралуу бүгүн, 28-февралдагы маалымат жыйында Улуттук банктын расмий өкүлү Аида Карабаева билдирди.
Анын айтымында, акыркы жылдары Улуттук банк запастагы алтындын көлөмүн көбөйтүү саясатын жүргүзүп келет.
«Банкта алтындын эки түрү бар: алтын-валюта резервинде 16 тонна (1-февралга карата 87,3 миллиард сомго барабар) жана 138,5 миллиард сомго барабар болгон алтындын кору», — деди Карабаева.
