Бүгүн, 19-ноябрда Улуттук тарых музейдин жана Чолпон-Атадагы ат майдандын оңдолушундагы коррупция боюнча соттук отурум Биринчи Май райондук сотунда уланат.
Мурунку соттук отурумда, бул иш боюнча алты айыпталуучунун бири, мурдагы премьер-министр Сапар Исаков соттук отурумду музейден өткөрүүнү сунуш кылган.
Эске сала кетсек, тарых музейин оңдоп-түзөөдөн мамлекеттик бюджет 102 миллион сом зыян тартканын Башкы прокуратура билдирген. Бул иш боюнча алты адам соттолууда. Алардын арасында мурдагы премьер-министр Сапар Исаков менен президенттик аппараттын жарандык өнүктүрүү, диний жана улуттук саясат бөлүмүнүн мурдагы жетекчиси Мира Карыбаева бар.
Сапар Исаков премьер-министр болуп турганда: “тарых музейининин оңдолушуна мен өзүм куратор болгом. Келечекте биз сыймыктана турган тарых музейи болот,-деп Атамбаевдин “Апрель” телеканалына сүйлөп берген. Кийин иш козголгондо ага коюлган дооматтарды четке каккан жана кагып келет.
Булак: KyrgyzToday.kg
