Мурунку биринчи вице-премьер-министр Тайырбек Сарпашевдин баш коргоо чарасы өзгөртүлүп, камакка алынды. Бул тууралуу УКМКнын басма сөз кызматы тастыктады.
Маалыматка ылайык, Сарпашев тергөөнүн аягына чейин УКМКнын абагында болот.
Эске салсак, ал ушул жылдын 18-июнунда Кумтөргө байланыштуу кармалган. Кийинчерээк эч жакка кетпөө талабы менен камактан бошотулган.
