Домой Саясат Сыймык Жапыкеевдин генерал-майор наамы мыйзамдуу берилген эмес

Сыймык Жапыкеевдин генерал-майор наамы мыйзамдуу берилген эмес

113

Экономикалык кылмыштуулукка каршы күрөшүү боюнча мамлекеттик кызматынын мурдагы төрагасы Сыймык Жапыкеев мындан 11 күн мурда ага генерал-майор наамы ыйгарылганын жарыялаган эле. Ал өзүнө бул жогорку наамды ыйгаруу тууралуу президенттин жарлыгы 4-мартта эле чыкканын социалдык тармактагы баракчасы аркылуу билдирген болчу. Бирок андан бери дээрлик 20 күн өткөнүнө карабай, бул маалымат расмий ырасталбай келет.

Сереп Медиа маалымат агенттиги президенттик аппараттын маалыматтык саясат бөлүмүнө кайрылып, Сыймык Жапыкеевге генерал-майор наамы ыйгарылып же ыйгарылбаганы тууралуу маалымат жоктугун билишти.

«Генерал-майор деген наам берилгени тууралуу мага эч кандай маалымат келген жок. Аны ким айтканын билбейм, өзү отуруп алып сүйлөй берет экен. Бизден өткөн жок, мен ал наам кандай негизде берилерин жетекчиликтен сурап көрдүм эле. Кол башчы кимге, качан беришти өзү чечет экен. Бул тууралуу маалыматты ким билерин да билбейм«, — деди Галина Байтерек.