Кыргызстанда акыркы суткада коронавирусту 241 киши жуктурду, ал эми 403 бейтап ооруну жеңди. Бул тууралуу Республикалык штаб кабарлады. Бир суткада катталгандар:
- Бишкек — 73;
- Ош — 13;
- Чүй облусу — 55;
- Ош облусу — 22;
- Талас облусу — 6;
- Нарын облусу — 3;
- Ысык-Көл облусу — 38;
- Жалал-Абад облусу — 19;
- Баткен облусу — 12.
Жалпысынан жугуштуу ооруга кабылгандардын саны 78 151ге жетти. Ушуну менен дартты жеңгендердин саны 71 270ке жетти. Ал эми COVID-19 илдетинен бир бейтап каза тапкан. Ал Ош облусунда дарыланып жаткан. Жалпысынан коронавирусту жеңе албай калгандардын саны 1 317 болду.
Стационарда 1 845 бейтап дарыланууда. Анын ичинен 21 адам абалы канааттандырарлык, 1 236сыныкы орточо, 496сы оор абалда, ал эми 92си өтө оор абалда. Амбулатордук дарыланууда 2 841 бейтап бар.
