Жогорку Кеӊештин мөөнөтү бүтүп, тарап кетерине саналуу айлар калганда “Кыргызстандын” атасы аталган Шаршенбек Абдыкеримов партиядагы ички интригадан улам алдындагы эки депутатты “эс алууга” жөнөтүп, алардын ордуна өзү менен кошо Жоробаев дегенди ала келди. Буга чейин көп айтылган маалыматтарга караганда Шаки партиянын дагы бир билерманы Канат Исаев жана спикер Жумабеков менен ич ара келишпестиктен улам, тирешип жатыптыр. Алардын талашын таасир талашуу дешет. Ушул себептен Шаки фракция ичинде болоюн деп мандат алды. Булар азырынча тил табышып, мурункудай майкөл-сүткөл болуп кете элек. Интриганын себептери дагы да ачыкка чыгат…
Булак: Багыт.kg гезити
