Домой Шайлоо 2020 Шайлоо – 2020: «БИРИМДИК» № 1 Лейлекте. Аширбай ЖУСУПОВ: Кыргыз тилин окуп...

Шайлоо – 2020: «БИРИМДИК» № 1 Лейлекте. Аширбай ЖУСУПОВ: Кыргыз тилин окуп үйрөнүү, колдонуу бардык чөйрөдө күчөтүлөт

135

Баткен облусунун Лейлек районунан чыккан талапкерлердин үгүт иш-чаралары уланууда. Бүгүн, “Биримдик” демократиялык социализм – евразиялык тандоо партиясынын талапкери Аширбай Жусупов Исфана шаарынын тургундары менен жолугушту. Ал жергиликтүү туругундарды Кыргыз тили майрамы менен куттуктап, “эне тили – ата-бабалардын ыйык мурасы жана аны сактап, келечек муундарга өткөрүп берүү биздин милдетибизге кирет. Бул максатта кыргыз тилин окуп үйрөнүү иши мамлекеттин турмушунун бардык чөйрөлөрүндө күчөтүлмөкчү”, – деди. А.Жусуповдун айтымында, “Биримдик” партиясынын программасында интернационализмге, ар кайсы этностордун ортосундагы улуттар аралык гармонияга негизделген принциптер бар. “Бул мамлекеттик жана расмий макамы Кыргыз Республикасынын Конституциясында бекемделген кыргыз жана орус тилдеринин коомдо эркин колдонулушун да камсыздайт. Өзгөчө Исфана, Лейлек жергеси көп улуттан турат. Биз көп улуттардын биримдигин сактайбыз. Ошондуктан биздин эл арасындагы достугубуз, бири-бирибизге болгон боордоштугубуз дагы күчөтүлөт. Лейлекте өзбек, тажик мектери бар. Бул жерде дагы кыргыз элинин маданиятын чогуу өркүндөтүп келе жатабыз. “Биримдик” партиясындагы эң негизги платформалардын бири – элдердин ынтмагын жана келечегин чогуу өркүндөтүү”, – дейт ал. Ошондой эле А. Жусупов партиянын негизги идеясы Кыргызстандагы улуттардын биримдиги жана ынтымагы камсыз кылуу экенин, саясий уюм ошону бийик тутарын белгиледи. “Бардык улуттардын кызыкчылыктарын бирге коргойбуз. Чек арада ар кандай улуттун өкүлдөрү жашайт. Биз ошол жерде да ынтымагыбызды көрсөтүп үлгү болуп келе жатабыз”, – деди талапкер.

«Биримдик» (Единство) Демократиялык партиясы» саясий партиясынын шайлоо фондунун эсебинен финансы боюнча ыйгарым укуктуу өкүлү Карагулов Арсен Дайырбекович тарабынан төлөндү.