Домой Шайлоо 2020 Шайлоо — 2020: №1 — Биримдик партиясы медициналык факультеттердеги бюджеттик орундарды көбөйтүүнү...

Шайлоо — 2020: №1 — Биримдик партиясы медициналык факультеттердеги бюджеттик орундарды көбөйтүүнү максат кылууда

133

КТРК да болгон теледебатта «Биримдик» партиясынан талапкер А.Касымалиева: «Биримдик» демократиялык социализм партиясы социалдык маселелерге, анын ичинде саламаттыкты сактоо тармагына өзгөчө көӊүл бурат»-деп белгиледи.

Анын айтымында, ар бир адамдын саламаттыгы-бүтүндөй улуттун бакубатчылыгынын өбөлгөсү.

«Саламаттыкты сактоо системасы да кыйратуучу процесстерге кабылганын коронавирус пандемиясы ачыкка чыгарды. Андыктан жеткиликтүү жана сапаттуу медициналык жардам көрсөтүүнү камсыз кылуу маселелери абдан курч турат.»-деп белгиледи талапкер.

Ал медицина тармагын санариптештирүү туурасында айтып жатып, сөздөн ишке өтүүгө жана конкреттүү пландарды ишке ашырууга мезгил жетти деди. Мисалга алсак, дейт Касымалиева, адегенде медиктердин айлык акысын жогорулатуу керек, андан соӊ адамдар онлайн түрүндө медиктердин иш-аракеттерине көз салып турушу үчүн ҮМБ жана медицина мекемелерине инновациялык технологиялар киргизилүүгө тийиш.

Аида Касымалиева санэпидемкызматынын кызматын толугу менен реформалоонун зарылдыгын белгиледи. Андан тышкары, ал өз партиясынын атынан КР жогорку окуу жайларынын медициналык факультеттеринде бюджеттик орундарды көбөйтүүнү сунуштады.

Анын сөзүнө караганда, партиянын артыкчылыктуу милдеттеринин катарында төмөндөгү милдеттер да турат:

— бардык дары-дармектердин жана медициналык жабдыктардын импортердон, өндүрүшчүдөн керектөөчүгө чейинки электрондук эсеп-кысап системасын иштеп чыгуу жана киргизүү;

— медициналык кызмат көрсөтүүнүн сапатын жакшыртуу, саламаттыкты сактоо тармагындагы коррупциялык тобокелчиликти төмөндөтүүгө багытталган жалпы мамлекеттик программаны иштеп чыгуу жана ишке ашыруу;

— калктын социалдык аярлуу катмары үчүн акысыз медициналык жардам системасы;

— Кыргызстанда медициналык камсыздандырууну жеке топтом системасына которуу, ошондой эле жарандарга ММКФнан өздөрүнүн топтом эсептерин өздөрү тандаган менчик камсыздандыруу компанияларына которууга мүмкүнчүлүк берүү;

 

«Биримдик» (Единство) Демократиялык партиясы» саясий партиясынын шайлоо фондунун эсебинен финансы боюнча ыйгарым укуктуу өкүлү Карагулов Арсен Дайырбекович тарабынан төлөндү.