Россиялык видео блогер жана журналист Илья Варламов Бишкекке учуп келди. Ал Кыргызстандын борбору Бишкек жөнүндө алгачкы таасирлери менен Инстаграмда сторис бөлүмүнө бөлүшө баштады.
Бирок бишкектиктердин көпчүлүгү орусиялык блогерге Кыргызстандын борборунун учурдагы абалы жөнүндө чынчылдык менен эскертишти: алар таштандылар, жаңы имараттар, жолдордогу кырдаал жөнүндө жазышты.
Андан кийин журналист өзүнүн ойлору менен бөлүшө баштады. Ал Бишкекте жакшы жолдор өтө эле аз экендигин баса белгиледи.
Ошондой эле жолдогу айдоочулардын чыдамсыздыгына дагы абдан таң калды.
