Домой Коом Россия 47 миң кыргызстандыкты «кара тизмеден» чыгарды

Россия 47 миң кыргызстандыкты «кара тизмеден» чыгарды

11
Россия мурда майда мыйзам бузууларга барган 47 миң кыргызстандыкты «кара тизмеден» чыгарды. Бул тууралуу Кыргызстандын Тышкы иштер министрлигинин маалымат кызматы билдирди.
«Бул май айындагы эки тараптуу сүйлөшүүлөрдүн натыйжасында ишке ашты», — деп айтылат билдирүүдө.
Ушул тапта Россиянын «кара тизмесинде» 35 миң кыргызстандык калууда. Алардын арасында соттун чечими менен өлкөдөн чыгарылгандар да бар.