Чеченстандын президенти Рамзан Кадыровго «журт атасы» титулу берилди. Мындай чечимди аталган өлкөнүн парламенти кабыл алганын чет элдик басылмалар жазышууда.
Белгиленгендей, депутаттар кечээ, 9-февралда республикалык Конституцияга өзгөртүү киргизүүнү бир добуштан колдогон. Ага ылайык, аймактын башчысына чечен тилинде «Мехк-Да» («журт атасы» деген маанини билдирет) деген аталыштагы наам ыйгарылды.
«Мехк-Да» түшүнүгү «Чеченстандын башчысынын диндин, улут менен анын кызыкчылыгынын, маданиятын, тарыхын жана каада-салтын коргоочусу катары ролун толук көрсөтөт»,— деп белгилешти депутаттар.
Кадыров Чеченстанды 2007-жылдан тартып башкарып келет.
