Домой Коом Назира Айтбекова: Сүйүү деп итке минген бирөө менен баш кошпо

Назира Айтбекова: Сүйүү деп итке минген бирөө менен баш кошпо

501

Көп кырдуу талант Назира Айтбекова өзүнүн “#жөнэлеойлор” түрмөгүндө үй бүлө куруу жөнүндө ойлонгон кыздарга кеңештерин төмөнкүчө жазып калтырган:

1. Айланада бекер кеңеш бергичтер өтө көп. Ээрчиме болуп, ар бирин ээрчий берсең, көкмө болосуң. Бир гана жүрөгүңдү тыңша.
2. Физикалык гана жактан жетилүү жетишсиз. Моралдык, руханий, психикалык жактан жетилүү кажет
3. Өзүн тапкан гана адам түгөйүн бактылуу кылат. Өзүңдү таба элек болсоң, ашыкпа.
4. Турмуш кураардан мурун билим алып, бир иштин башында тур. Эртеңки күнүңө кепилдик жок. Кандай гана сыноо келбесин, өзүңдү өзүң багып кете алгандай бол.
5. Турмуш сага оюнчук эмес. Жеңил ойлуу караба. Бир тандаган адамың акыреттик болуусу кажет. Ошон үчүн көзүң жетип, жүрөгүң макул дегенге бар.
6. “Атам айтты, апама жакты” деп тие бербе. Аны менен сен жашайсың. Алар эмес!
7. Акчасына эле карап тийбе. Акчадан алдыңа төшөк салып берсе да, сүйүү болбогон жерде жылуулук болбойт. Сүйүү деп итке минген бирөө мн да баш кошпо. Тукумуңду уланта турган ишенимдүү жер болушу керек.
8. Тие турчу адамың акылыңдагы эрежеге төп келип, бирок жүрөгүңө төп келбей жатса, жүрөгүңдү тыңша.
9. Кандай болсоң, ошондой жүзүңдү көргөзгөндөн уялба. Рекламадагыдай сонун боло берип, тийгенден кийин чыныгы жүзүң ачылса, көпкө турбайсың ал үйдө.
10. Бакыт эле күтө бербей, бакытты бергенди да үйрөн. 

Булак: Багыт