Домой Саясат Мирлан Бакиров партиясын өткөрүү үчүн босоголук чекти азайтууга кызыкдар Саясат Мирлан Бакиров партиясын өткөрүү үчүн босоголук чекти азайтууга кызыкдар 19.10.2019 100 Парламенттик шайлоо чукулдаган сайын айрым саясатчылардын чыйпыйы чыгып, эл колдоосунан ажыраган партиялар эмитен эле какылыктай баштады. Дегенибиз, өткөн шайлоого партияларга коюлган босого 7% болсо, эми 9%га чейин көтөрүлүп атат. Бул – далай партияларды бүктүшүрүп, белин сындырат деген сөз. Мындан улам чабал, кабыргасы жука партиялардын желдеттери өтпөй калышын эмитен сезип, коңгуроо кагууда. Айтсак, вице-спикер Мирлан Бакиров кечээ күнү чарт жарылып, босогону дээрлик 5%га тушүрүү керектигин көтөрдү. Булар өткөн шайлоодо 7%дык босогодон өткөн, бирок элдин үмүтүн актаган жок, эми өтүшү кыйын. Демек, 5%га түшүрүү логикалык чекит. Арийне, кийинки шайлоодо мындай чала жандар таптакыр парламентке кирбеши керек. Айрыкча Бакиров мүчө болуп олтурган «Өнүгүү» сыяктуу партиялар өнүктүрбөй эле, өмгөктөтүп атканы жалганбы? Мирлан Бакиров партиялык тизме менен кайрадан депутат болуп келүүнүн жолун издебей, 2010-жылдан бүгүнкү күнгө чейин кандай иштерди кыйратканын айтып берип койсо куп жарашмак. Булак: “Де-Факто”
