Таштанды иштеткен заводду кура турган болдук. Бул тууралуу бүгүн, 1-мартта Бишкек шаарынын мэри Эмилбек Абдыкадыров билдирди.
Анын айтымында, кечээ жакында таштандыны кайра иштеткен заводдун курулушун жана акыр-чикирлерди рекультивация маселесин сүйлөшүлдү.
«45 миллион долларлык инвестиция келди. Чех компаниясына токтолдук. Алар жакынкы күндөрү ишин баштайт. Дагы кошумча маалымат беребиз», — деди Абдыкадыров.
Кошумчалай кетсек, Бишкектин таштанды маселеси бир топ жылдан бери орчундуу көйгөй болуп келе жатат.
