Домой Коом Матрезервдин уну 1400 сомдон сатылат

Матрезервдин уну 1400 сомдон сатылат

77

“Бизге өкмөттөн тапшырма берилди. Мамлекеттик материалдык резерв фондунун унун 1400 сомдон ашырбай сатуу үчүн атайын жайларды даярдап жатабыз. Бул ун кызыл кулактыкка жол бербөө үчүн дүкөн-базарларга түшүрүлбөйт”, – деди Түлөбаев.

Коронавирус пандемиясына байланыштуу карантин киргизилген алгачкы күндөрү Кыргызстанда ун тартыштыгы байкалып, баа кескин өскөн. 1000-1200 сом турган биринчи сорттогу бир кап ун 1700-2000 сомго чыккан.

Монополияга каршы күрөшүү агенттиги ундун бир килосун 32 сомдон ашырбай сатуу талабы коюуда.

Буга чейин өкмөт аз камсыз болгон үй-бүлөлөргө Мамлекеттик материалдык резерв фондунан 7,9 тонна ун бөлгөн. Алар бардык облустардагы жана шаарлардагы кыйналып жашаган үй-бүлөлөргө, мүмкүнчүлүгү чектелүү адамдарга таратылып берилген.

Булак: Азаттык