Кытай Кыргызстанга гуманитардык жардам катары COVID-19га каршы вакцинанын 150 миң доза өлчөмүндө экинчи партиясын берүүнү чечти. Бул тууралуу Тышкы иштер министрлигинин басма сөз кызматынан билдиришти.
Тышкы иштер министри Руслан Казакбаевдин Кытайга болгон иш сапарынын алкагында, 11-майда Сиань шаарында Кытайдын Мамлекеттик кеңешинин мүчөсү, тышкы иштер министри Ван И менен эки тараптуу сүйлөшүү өткөргөн.
Жыйынтыгында 2022-2023-жылдарга КР ТИМи жана Кытай ТИМинин ортосунда кызматташтык программасына кол коюлган.
