Бишкек шаарынын куруучулары Бишкекте курулуш үчүн бош жер тилкелери калбагандыгына нааразы. Алар борбордон кеткиси келбейт жана бийликтен эски үйлөрдү бузууну талап кылышууда.
Бишкекте жаңы имараттарды куруу үчүн бош жер тилкелери калган жок. Бул тууралуу премьер-министр Улукбек Мариповдун Бишкектеги архитектуранын башчысы менен болгон иш сапарында белгилүү болду.
КР Куруучулар бирлигинин төрагасы Аскарбек Молдобаевдин айтымында, шаар бийлиги жана тиешелүү кызматтар куруучулардын негизги көйгөйлөрүн чечмейинче, уруксат берүүчү документтерди оптималдаштыруунун эч кандай мааниси болбойт.
«Адамдар жатаканаларда үй бүлөлөрү менен толук антисанитардык шартта жашоону улантышууда. Алар көчүрүлүшү керек. Эски жатаканалары жана жашоого жараксыз үйлөрү бар райондордун көйгөйлөрүн чечүү боюнча долбоор даярдадым. Бирок мындай турак жай үчүн компенсация өтө кымбат», – деди Аскарбек Молдобаев.
Анын айтымында, курулуш компаниялары өз каражаттарынын эсебинен имараттарга жанаша жайгашкан жашыл аянтчаларды жабдууга жана отургузууга даяр, бирок жергиликтүү бийлик менен тил табыша албай жатышат.
“Оптимизация негизги көйгөйлөрдү чечмейинче пайдасыз. Шаарда бош орун жок. Эскини гана тыгыздап же бузса болот”, – деп сунуштады Аскарбек Молдобаев.
