Домой Тагдыр Короновирус 335адамга жугуп, 2 адам каза болду

Короновирус 335адамга жугуп, 2 адам каза болду

31

Коронавируска каршы республикалык ыкчам штабдын бүгүнкү, 2-декабрдагы маалыматына караганда, кечээтен бери бул илдеттен эки адам каза болду. Көз жумган бейтаптардын бири Бишкек шаарынын, бири Ош облусунун тургундары болчу.

Жалпысынан көз жумгандар 1277 адамга жетти.

Соңку бир күн ичинде вирус дагы 335 адамдан табылды. Алардын эң көбү Чүй облусунда (107) жана Бишкек шаарында (84).

Ошентип, оору жуккандардын жалпы саны 73 513 кишиге жетти.

Бир күндө 478 адам айыгып чыкты. Азыр ооруканада 2651 адам жатат, дагы 3600 бейтап үйдөн дарыланууда.

Коронавирус жуккан медицина кызматкерлеринин жалпы саны 3932 адамга жетти, алардын 3623ү айыгып чыкты. Соңку күндө бул оору 12 дарыгерден табылды.