Домой Ден-соолук Коронавирус жайылган өлкөнүн жарандарын КРге киргизүүгө тыюу салынды

Коронавирус жайылган өлкөнүн жарандарын КРге киргизүүгө тыюу салынды

12

Коронавирустун жайылышын алдын алуу боюнча республикалык штаб оору күч алган өлкөлөрдүн жарандарын Кыргызстанга киргизүүгө тыюу салды. Бул туурасында өкмөттүн маалымат кызматы билдирди.

Мындай сунуш Саламаттык сактоо министрлиги тарабынан берилген. Натыйжада Кытай, Иран, Япония, Түштүк Корея жана Италиянын жарандарын өлкөгө киргизүүгө 1-марттан тарта убактылуу чектөө киргизилмей болду.

Чектөөлөр жогоруда белгиленген мамлекеттерден жумуш, туризм жана жеке максатта келген жарандарга тиешелүү. Ал эми дипломатиялык паспорту барлардын келишине тыюу салынбайт. Ошондой эле 1-марттан тарта бул өлкөнүн жарандарын Кыргызстанга чакыруу токтотулат.Мындай чектөө эпидемиологиялык кыйын кырдаал жаралган мамлекеттерден адамдар тынымсыз келип жаткандыктан киргизилген.

Ошондой эле жыйында бир миллион даана медициналык бет капты аткезчилик жол менен өлкөдөн чыгарып бараткандар кармалганы айтылды.

Республикалык штаб кыргызстандыктарды эл көп чогулган жерден оолак болууга чакырып, көп адам катышкан иш-чараларды өткөрбөй турууну сунуштап жатат.

Булак: Спутник