Бүгүн, 28-октябрда депутаттар Канат Исаевди спикерликтен кетирүү үчүн кол топтой башташты. Бул маалыматты журналисттерге бир нече депутат тастыктады.
Алдын ала маалыматтар боюнча, спикерлик кызматка Талант Мамытовдун талапкерлиги көрсөтүлүшү мүмкүн.
Бирок Мамытов бул жөнүндө айтуу эрте экенин, ар бир депутат спикерликке талапкерлигин койсо боло турганын белгиледи.
Белгилей кетсек, Канат Исаев спикер болуп 13-октябрда дайындалган. Мыйзамга ылайык, президент отставкага кеткенден кийин спикер президенттин милдетин аткаруучу болмок. Сооронбай Жээнбеков кызматтан кеткенден Исаев президенттин милдетин аткаруудан баш тарткан. Ал милдетти аркалоо премьер-министрге жүктөлгөн.
