Жарандык авиация агенттигинин 2016-жылдан берки башчысы Курманбек Акышев ээлеген кызматынан бошотулду. Бул тууралуу Жолдор жана транспорт министрлигинин маалымат кызматы маалымат таратты. Бүгүн министр Бакыт Бердалиев агенттиктин жаңы жетекчиси Сталбек Шаршеевди жамаатка тааныштырган. Бир нече жыл мурда Шаршеев ушул эле кызматта жетекчинин милдетин аткаруучу болуп иштеп кеткен.
