Маалымат кызматынын билдиришинче, президент Садыр Жапаровдун Египеттеги расмий сапарынын алкагында бир катар эки тараптуу документтерге кол коюлду. Төмөндө кол коюлган келишимдердин толук тизмеси келтирилди:
-
Кыргызстандын министрлер кабинети менен Египет өкмөтүнүн ортосунда дипломатиялык, кызматтык жана атайын паспорттун ээлерине визалык талаптарды өз ара алып салуу боюнча макулдашуу;
-
Министрлер кабинети менен Египет өкмөтүнүн ортосунда экономикалык, илимий жана техникалык багыттарда кызматташуу тууралуу макулдашуу;
-
Айыл чарба тармагында эки тараптуу аракеттерди кеңейтүү боюнча макулдашуу;
-
Жогорку билим берүү жаатындагы кызматташуу тууралуу келишим;
-
КР Энергетика министрлиги менен Египеттин Электроэнергия жана кайра жаралуучу энергия булактары министрлигинин ортосунда электр энергетикасы жана «жашыл» энергия багытында кызматташуу боюнча өз ара түшүнүшүү меморандуму;
-
Президенттин алдындагы Инвестициялар боюнча улуттук агенттик менен Египеттин Инвестициялар жана эркин экономикалык зоналар боюнча башкы башкармалыгы ортосунда кызматташуу тууралуу меморандум;
-
Президенттин алдындагы Дин иштери жана этностор аралык мамилелер боюнча улуттук агенттик менен Египеттин Вакф министрлигинин ортосундагы өз ара түшүнүшүү меморандуму;
-
Улуттук банк жана Египеттин Борбордук банкынын ортосундагы кызматташууга багытталган меморандум.
