Домой Маданият Элмирбектин азасына эч ким чакырылган жок, бирок эл келип жатат, – Мирлан...

Элмирбектин азасына эч ким чакырылган жок, бирок эл келип жатат, – Мирлан Самыйкожо

683

КР эл артисти, төкмө акын Элмирбек Иманалиевдин сөөгүн акыркы сапарга узатуу зыйнаты эртең, 22-апрелде саат 9:30да эскерүү митинги болот 10:30да сөөгү үйдөн чыгарылат. Бул тууралуу Улуттук жазуучулар союзунун мүчөсү Мирлан Самыйкожо “Медиа центр” агенттигине билдирди.

Анын айтымында, маркумду сөөгү Туңгуч кичи районундагы үйүнө алынып келген. Учурдагы абалга байланыштуу аза күтүүгө эч ким чакырылган жок. “Бирок келем дегендер баары бир келип жатат, Элмирбек Иманалиевге болбой эле келишет экен. Ошентсе да эл аз эле, туугандары, кыйышпас достору чогулуп жатат. Телефон чалуулар, баралбай калдык деп көңүл айткандар абдан көп”, – деди ал.

Мирлан Самыйкожо билдиргендей, Элмирбек Иманалиев кыргыздын таланттуу, эл сүйгөн акыны катары көптөгөн наамдардын ээси, эл артисти болгондуктан анын сөөгү мамлекеттик маданий мекемелерден узатууга арзымак. Бирок учурдагы жалпы кырдаалга, мүмкүнчүлүктөрдүн чектелүүсүнө байланыштуу өз үйүнөн гана узатылат.

Самыйкожо кошумчалагандай, Иманалиев мурдатан кант диабети менен ооруп жүргөн, мезгил-мезгили менен ооруканага жатып дарыланып келген.

Маркумдун сөөгү Ала-Арча көрүстөнүнө коюлуусу күтүлүп жатат.

Булак: media-center