Кыргызстанда Россиянын курамына кирүү маселеси каралып жатат. Бул тууралуу «Правда.ру» порталына Кыргызстандын Россиядагы мурунку элчиси Раимкул Аттокуров билдиргенин Tengrinews.kz. жазды.
«Тарыхый тагдыр бизди чогуу болууну алдын-ала аныктап койду. Биз көптөгөн кылымдар бою бирге болдук. Биздин жалпы тарыхыбыз жана узак мөөнөттүү келечегибиз бар. Азыр көпчүлүк кыргыздар Россиянын курамына кирүү үчүн Россия Федерациясына кайрылууну ойлоп жатышат«, — деген Аттокуров. Ошондой эле, ал Кыргызстан мурунку Советтер Союзундагы орус тили расмий, конституциялык тил статусуна ээ болгон жалгыз өлкө болуп саналганын кошумчалады. Ал мындан башка: «Кыргызстандын Евразия экономикалык биримдигинде болушу көптөгөн багыттар боюнча оң таасирин тийгизип жатат. Россияда медицина дагы жакшыраак, жумуш таап, жакшы маяна алуу мүмкүнчүлүгү жогору«, — деп кошумчалаган.
