Домой Тагдыр Бишкекте белгисиз жаран көп кабаттуу имараттан бойун таштап каза тапты (видео)

Бишкекте белгисиз жаран көп кабаттуу имараттан бойун таштап каза тапты (видео)

16

Бишкекте белгисиз жаран курулуп жаткан көп кабаттуу имараттан секирип каза тапты. Маалыматты Өзгөчө кырдаалдар министрлигинин басма сөз кызматы тастыктады.

Окуя Байтик-Баатыр жана Сүйөркулов көчөлөрүнүн кесилишинде болгон.

Маалыматка ылайык, саат 12:30дар Өзгөчө кырдаалдар министрлигинин Куткаруу кызматына өзүнүн жанын кыюуга аракет көрүп жаткан жаран тууралуу маалымат келип түшкөн. Окуя болгон жерге ӨКМдин 10 адамдан турган куткаруучулары, анын ичинде эки психолог жана бир тез жардам бригадасы дароо жерине чыгып кетишкен.

«Өзгөчө кырдаалдар министрлигинин психологдору жигит менен тынымсыз сүйлөшүү жүргүзүп сактап калууга аракет кылышкан. Жигит куткаруучуларга жана психологдорго өз жанын кыюу үчүн чечим кабыл алганын билдирген. 4 сааттык сүйлөшүүдөн кийин жанын кыюуга аракет жасаган жаранды ӨКМдин психологдору көндүрүп, ал аларды көздөй бет алган. Бирок күтүүсүздөн бурулуп 9-кабаттан секирип кеткен. Бул окуя боюнча ички иликтөө жүргүзүлөт »,- деп айтылат билдирүүдө.