Домой Коом Бабанов август айында саясатка кайтып келеби?

Бабанов август айында саясатка кайтып келеби?

656

2017-жылы президенттик шайлоодо 600 миңдей добуш алган Өмүрбек Бабанов саясаттан убактылуу четтесе да, артындагы калың колдоочулары дале суюла элек. Көпчүлүк катмар сүймөнчүк лидерин саясый талаадан көрүүгө кызыкдар экен. Бабанов да бул жагын жакшы билет. Ал саясаттагы кыйын кезеңдерден убактылуу тыныгуу алып, мезгили келгенде чоң күрөштөргө аттанары белгилүү. Буга чейин бир канча ирет артка чегинип, ыңгайлуу учурда эл астына чыга келип, ийгиликтерди жаратканы, шайлоолордо элдин колдоосуна арзыганы баарыбызга маалым. Учурда болсо, Бабанов адатынча бугуп жатат. Эбегейсиз ресурстарын убактылуу токтотуп койгон. Биздин угушубузга караганда, Өмүрбек Токтогулович август айында чоң саясатка кайра кайтып келери, шашылыш түрдө парламенттик шайлоого аттанары боюнча эшиттик. (Балким бул маалымат кимдир бирөөлөргө ишенимсиздей сезилиши мүмкүн, бирок, убагы келгенде реалдуу чындыктан качып кутула албайбыз да). Элди сагындырган Бабановдун саясатка күтүүсүздөн келиши көп өзгөрүүлөрдү, мамлекеттеги бурулуштарды жаратышы мүмкүн. Эмесе, август айына чейин жашап туралы.

Булак: “Азия Ньюс” гезити