Алмазбек Атамбаев Чолпон-Ата шаарындагы маалымат жыйынында журналисттердин суроолоруна жооп берип жатып, 2010-жылы апрель, июнь окуяларында үзөңгүлөш жүргөн Өмүрбек Текебаевдин иши боюнча пикирин билдирген президент сот ишине кийлигишпей турганын айтты:
— Сотко басым кылгым келбейт. Сот өзү чечим кабыл алсын. Мен ойлойм, сотто убактылуу өкмөт мүчөлөрү тарабынан Текебаевди колдоо аракети менен мага, Атамбаевге жасаган чабуул экенин көрүп турам. Анткени, бир гана Текебаев эмес, Убактылуу өкмөттүн башка мүчөлөрү да жооп беришет. Мен кеткенден кийин деле жооп беришет. Чындык баары бир чыгат.
