Активист жана блогер Атай Бейшенбекке карата дагы бир кылмыш иши козголду. Бул тууралуу анын адвокаты Канат Хасанов маалымат агенттиктерине билдирген. Анын айтымында, Атай Бейшенбек 2020-жылдагы октябрь окуяларында Бишкек шаардык мэриясын басып алууга аракет кылган,- деген айып менен дагы бир кылмыш иши козголгон.
Эске салсак, активист Кылмыш-жаза кодексинин “Кылмышка даярдык көрүү” жана “Массалык башаламандыктарды уюштурууга даярдануу” беренелери боюнча ачылган кылмыш ишинин алкагында 2022-жылдын октябрь айында камакка алынган.
